عالمی اور مقامی منڈیوں میں سونے کی قیمت میں فی تولہ 1650 روپے کا اضافہ ہوگیا، نرخ تاریخ کی نئی بلند ترین سطح پر پہنچ گئی۔
کراچی: (ڈی جی این) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ تاریخ کی بلند
ترین سطح پر پہنچ گئے۔
بین الاقوامی مارکیٹ میں فی اونس سونے کی قیمت 16 ڈالر اضافے کیساتھ 3038 ڈالر ہوگئی جبکہ پاکستان میں فی تولہ سونے کی
قیمت میں 1650 روپے اور دس گرام سونے کی قیمت میں 1415 روپے کا اضافہ ریکارڈ کیا گیا۔
امریکی ٹیرف اقدامات اور چین کی خریداری سے گولڈ مارکیٹ میں تیزی کا رجحان جاری ہے، عالمی اور مقامی صرافہ بازاروں میں فی تولہ سونے کی قیمت 3 لاکھ 19 ہزار اور دس گرام سونے کی قیمت 2 لاکھ 73 ہزار 491 روپے کی بلند ترین سطح پر پہنچ گئی۔
رپورٹ کے مطابق عالمی مارکیٹ میں فی اونس سونا 16 ڈالر اضافے سے 3 ہزار 38 ڈالر پر جا پہنچا۔
دوسری جانب پاکستان میں چاندی کی فی تولہ قیمت 3 ہزار 555 روپے
پرمستحکم رہی۔
واضح رہے کہ ملک بھر میں صرف تین روز میں فی تولہ سونا 5 ہزار 3 سو روپے مہنگا ہوا ہے۔